चोरहरूको नयाँ दाउ, टाउकोमा खरबुजाको मुकुण्डो

alt
  • जेठ ११, २०७७
  • अपराध न्यूज

चोरका अनेक शैली हुन्छन् । तर बढी बाठो बन्न खोज्दा कहिलेकाहीँ नराम्रोसँग फस्छन् चोरहरू ।अमेरिकाको भर्जिनियामा एउटा यस्तै घटना भएको छ ।

भर्जिनियामा एउटा पसल लुट्नका लागि अनौठो पहिरनमा दुईजना चोरहरू पसलमा छिरे ।

शनिबार लुइसा पुलिस विभागले फेसबुकमा ती दुई चोरको फोटो सार्वजनिक गर्‍याे । त्यसपछि चोरको त्यो फोटो भाइरल बन्यो सामाजिक सञ्जालमा ।

पुलिसका अनुसार ती दुई चोरहरू एक कालो रङको टोयोटा ट्रक चढेर आएका थिए र ट्रकबाट ओर्लिएर पसलभित्र लुट्नका लागि छिरेका थिए ।

ट्रकबाट ओर्लिंदा नै उनीहरूले अनुहारमा खरबुजाको मुकुण्डो लगाएका थिए । ती चोरहरूले ह्यालोविन पर्वमा जस्तै खरबुजाको बोक्रामा आँखाको प्वाल बनाएर मुकुण्डो लगाएका थिए ।

खरबुजाको मुकुण्डो लगाएका ती दुई चोरहरू पसलमा लुट्नका लागि छिर्नुअघि पसलअगाडि उभिएर फोटोसमेत खिचाएका थिए । रातको साढे ११ बजे उनीहरू पसल लुट्नका लागि भित्र छिरेका थिए ।

पुलिसले फेसबुकमा सार्वजनिक गरेको चोरहरूको तस्वीर भाइरल बनेसँगै हजारौँ मानिसहरूले लाइक तथा कमेन्ट गरे । एकजना फेसबुक प्रयोगकर्ताले त चोरी हुनुभन्दा केही घण्टा अगाडिको भन्दै ती दुईजना चोरको तस्वीर नै कमेन्टमा पोष्ट गरिदिए । त्यो तस्वीरमा समेत ती दुई चोरहरूको पहिरन उस्तै थियो ।

प्रहरीले सोही तस्वीरसमेतको आधारमा ती दुई चोरहरूलाई पक्राउ गर्न सफल भयो । गत मे ६ का दिन चोरी भएकोमा गत शनिबार ती चोरहरूलाई प्रहरीले पक्राउ गरेको छ ।
एजेन्सी

सम्बन्धित समाचारहरु

१३ वर्षदेखि फरार अभि ...

लागुपदार्थ कारोबारसम्बन्धी मुद्दामा १३ वर्षदेखि फरार एक अभियुक्त पक्राउ परेका छन्। गाँजासम्बन्धी मुद ...

करणीको पोल खोल्ने डर ...

१४ वर्षीय एक बालिकालाई जबरजस्ती करणी गरी भारत बेच्न लैजाँदै गर्दा उद्धार गरिएको छ । आर्थिक प्रल ...

फेसन सो गर्ने भन्दै ...

फेसन सो आयोजक बताउँदै एक व्यवसायीसँग ड्रोनसहित २० लाख रुपैयाँ बराबरको सामग्री ठगेको आरोपमा दुई युवकल ...

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2021 - Aparadh News All rights reserved