विप्लवविरुद्ध मुद्दा चल्न सक्ने

alt
  • बैशाख ११, २०७६
  • अपराध न्यूज

एक वर्षको अवधिमा प्रहरीले नेकपाका एक हजार पाँच सय १४ जना नेता–कार्यकर्ता पक्राउ गरेको छ । सरकारले प्रतिबन्ध लगाउनुपूर्व एक हजार तीन सय पाँच र प्रतिबन्धपछि दुई सय नौजना पक्राउ गरी मुद्दा चलाइएको प्रहरी प्रवक्ता एसएसपी उत्तमराज सुवेदीले बताए । विप्लव नेतृत्वको नेकपाले हिंसात्मक घटना बढाउँदै लगेपछि २८ फागुनमा सरकारले प्रतिबन्ध लगाएर राज्यविरुद्धको अपराध मुद्दामा नेता–कार्यकर्तामाथि कारबाही थालेको हो । काठमाडौंको नख्खु र बसुन्धरामा विस्फोटपछि सरकारले प्रतिबन्ध लगाउने निर्णय गरेको थियो ।

हाल प्रहरीले आठजनाविरुद्ध मुद्दा चलाएको छ । प्रतिबन्धित नेकपाका महासचिव विप्लवविरुद्धसमेत मुद्दा चल्ने एक प्रहरी अधिकारीले बताए । ‘पक्राउ परेकाहरूले पार्टी नेतृत्वकै निर्देशनमा विष्फोट गराएको बताएका छन्, त्यसकारण विप्लवमाथि पनि मुद्दा चल्न सक्छ । हाललाई पछि खुलेको अवस्थामा चलाउने भनेका छौँ,’ अनुसन्धानमा सम्बद्ध ललितपुर परिसरका एक प्रहरी अधिकारीले भने । दुई वर्षअघि भोजपुरलगायत जिल्लामा गराएको विष्फोटका घटनामा समेत विप्लव ‘फरारको सूची’मा छन् । सरकारले प्रतिबन्ध लगाएपछि उनी भूमिगत भएका छन् । 

सम्बन्धित समाचारहरु

आयोजकले टिकटमा झुक्य ...

भारतीय भोजपुरी कलाकार खेसारीलाल यादव आउने भनिएको सुनसरीको बर्जुमा महोत्सवमा झडप भएको छ । झडपमा परी ४ ...

इटहरीमा पुरुषको शव फ ...

इटहरीमा एक पुरुषको शव फेला परेको छ । इटहरी ५ स्थित पूर्व पश्चिम राजमार्ग नजिकै रहेको एपेक्स अस्पताल ...

झापामा राँगा चोरी गर ...

राँगा चोरी गरेको आरोपमा झापामा एक भारतीय नागरिक पक्राउ परेका छन्। पुस २६ गते राती झापा गाउँपालिका ४ ...

अल नेपाल सञ्चार मिडिया नेटवर्क प्रा.लि. बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2023 - Aparadh News All rights reserved