धनगढीको एक होटलमा विस्फोट, ५ जना घाइते

धनगढी नगरपालिकामा एक होटलमा बिस्फोट भएको छ । बिस्फोटमा परी परी ५ जना गम्भीर घाइते भएका छन्। सहिद चोक नजिकै भएको विस्फोटमा स्थानीय निलम होटलका संचालक केशव चन्दसहित अन्य ४ जना गम्भीर घाइते भएका हुन्।

उनीहरुको धनगढीकै माया मेट्रो अस्पतालमा उपचार सुरु भएको छ।

प्रहरीले सिलिन्डर वा बम के विस्फोट भयो भनेर निर्क्योल गरिनसकेको बताइएको छ। तर बम हुने शंका बढी रहेको घटनास्थलमा खटिएका प्रहरीले बताएको घटनास्थलबाट सहकर्मीले फोनमा भने।

घटनास्थल प्रहरीले सिलबन्दी गरी अनुसन्धान गरिरहेको छ। घटनाको विस्तृत विवरण प्राप्त हुन बाँकी छ।