गोरखामा एसपी परिवर्तन ओम अधिकारी पठाइयो

कार्यालय समयमै मदिरा पिएर गैरजिम्मेवार देखिएको भन्दै जिल्ला प्रहरी प्रमुख गोरखाका एसपी भोला रावल सरुवा भएका छन् । उनलाई ६ नम्बर प्रदेश कार्यालय पठाइएको गण्डकी प्रदेश प्रहरी प्रमुख डीआईजी विनोद शर्मा घिमिरेले बताए ।

गोरखामा महानगरीय अपराध महाशाखाका एसपी ओम अधिकारीलाई खटाइएको छ । 

जिल्ला प्रहरी प्रमुख नै यस्तो अवस्थामा भेटिनु दुःखद भएको घिमिरेले बताए । यसबारे प्रहरी प्रधान कार्यालयमा लिखित जानकारी गराएपछि रावलको सरुवा भएको हो । एसपी रावलले भने काज सरुवाको पत्र आइसकेको बताए ।