भारतीय सेनामा जागिर लगाइदिन्छु भन्ने पक्राउ

भारतीय सेनामा जागिर लगाई दिन्छु भनी ठगी गर्ने मोरङ पथरी शनिश्चरे ३ बस्ने ४२ नरेन्द्र पाख्रिन तामाङ पक्राउ परेका छन् । उनलाई इलाका प्रहरी कार्यालय पथरीले भारतीय सेनामा लगाई दिन्छु भनी विभिन्न स्थानका युवाहरूलाई ठगी गरेको आरोपमा सोमबार प्रहरीले पक्राऊ गरेको हो ।

सेनामा लगाइदिन्छु भन्दै पाख्रिनले जनही ५-८ लाखसम्म ठगी गरेको जाहेरी परेपछि अभियुक्त तामाङलाई पक्राउ गरेको पथरीका डिएसपी वेदप्रसाद गौतमले जानकारी दिए । पाख्रिनलाई ठगी कसुरमा ७ दिन म्याद थप गरी थप अनुसन्धानका अघि बढाइएको जनाइएको छ ।