कोरोना भाइरस पत्ता लगाउन कुकुर परिचालन !

alt
  • जेठ १३, २०७८
  • अपराध न्यूज

विस्फोटक पदार्थ, चोर, अपराधी आदि पत्ता लगाउनका लागि तालिम प्राप्त कुकुर परिचालन गर्ने गरिएको छ सामान्य नै हो । तर थाइल्याण्डमा चाहिँ कोरोना भाइरस संक्रमित पत्ता लगाउनका लागि कुकुर परिचालन गरिएको छ ।

थाइल्याण्डको सरकारले कोभिड १९ संक्रमित मानिस तत्कालै पत्ता लगाउन भन्दै ६ वटा लाव्राडोर कुकुर परिचालन सुरु गरेको छ ।

पछिल्लो समयमा कोरोना भाइरस संक्रमणको दर उच्च रुपमा बढेको र निर्माणस्थल, भिडभाडयुक्त वस्ती तथा ठूला बजार क्षेत्रमा संक्रमितको संख्या उच्च रहेको देखिएपछि सरकारले संक्रमित मानिसहरु छिटो भन्दा छिटो पत्ता लगाउन सकिने आशामा तालिमप्राप्त कुकुर परिचालन गरेको हो ।

कोरोना भाइरस संक्रमितको शरीरबाट आउने पसिमा हुने विशेष खालको गन्ध पहिचान गर्न सकिने घ्राण क्षमता भएका ती कुकुरहरुलाई बैंकक चुलालोंकोर्न विश्वविद्यालयको पशुस्वास्थ्य विभागमा तालिम दिइएको थियो । ती कुकुरहरुको नाम एन्जेल, बबी तथा ब्राभो लगायत रहेको छ ।

गत मे १० यता यी कुकुरहरुले हालसम्म १ हजारभन्दा धेरै नमुनाहरू परीक्षण गरिसकेको बताइउको छ ।

कुकुरहरुले संक्रमण पत्ता लगाउने दर पनि प्रभावकारी देखिएको छ । शंकास्पद संक्रमित मानिसहरुको पसिनाको नमुना धातुको भाँडोमा राखेर कुकुरलाई सुँघ्न दिइन्छ र कुकुरले संक्रमित भएका र नभएका मानिसहरु छुट्टाउँदछ । संक्रमित मानिसको पसिनाको नमुना सुँघेर सुँघेर त्यसकै अगाडि कुकुर टुसुक्क बस्दछ भने संक्रमित नभएका मानिसको पसिनाको नमुना सुँघ्दै अगाडि बढ्दछ ।

यसअघि फिनल्याण्ड, युएइ, जर्मनी तथा भारत लगायतका देशले पनि कोरोना भाइरस संक्रमित पत्ता लगायतका लागि कुकुरको प्रयोग गर्ने गरेका छन् ।

एजेन्सीको सहयोगमा

सम्बन्धित समाचारहरु

बुबालाई सम्झाउँदा उल ...

सोलुखुम्बुस्थित सोलु–दूधकुण्ड नगरपालिका वडा नं. ५ का ५० वर्षीय मोहन बराइली सुन चादी व्यवस ...

डिएसपी कार्कीलाई प्र ...

छिमेकीको हत्या गरेर शौचालयको ट्याङ्कीमा लुकाइएको शव फेला पारेर अभियुक्त पक्राउ गर्न सफलता पाएका दमक ...

एकादशीमा मापसे गरेका ...

इलाममा आफ्नै दाइको धारिलो हतियार प्रहारबाट भाइको हत्या भएको छ । सोमबार इलामस्थित सन्दकपुर गाउँपालिका ...

सामाजिक संजाल

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2021 - Aparadh News All rights reserved