खोटाङमा दाजुबहिनीको हत्या गरिएको शव फेला

alt
  • भदौ २०, २०७७
  • अपराध न्यूज

खोटाङमा हत्या गरी फालिएको अवस्थामा दाजुबहिनीको शव फेला परेको छ । जन्तेढुङ्गा गाउँपालिका–४ डम्वर्खुशिवालयस्थित सामाताङमा ७७ वर्षीय इन्द्रबहादुर श्रेष्ठ र उनकी ६७ वर्षीय बहिनी गोपीमाया श्रेष्ठको शव विभत्स अवस्थामा फेला परेको हो ।

दाजुबहिनीको मृत्यु भएको जानकारी आएलगत्तै जिल्ला प्रहरी कार्यालयका प्रमुख प्रहरी नायब उपरीक्षक नारायणप्रसाद चिमरियाको टोली घटनास्थल पठाइएको प्रमुख जिल्ला अधिकारी शालिग्राम शर्मा पौडेलले जानकारी दिए । घटनास्थल छिमेकी भोजपुरको सिमानामा पर्छ ।

घटनाको प्रकृति हेर्दा तीन÷चार दिन अघि हत्या भएको जस्तो देखिएको घटनास्थल पुगेका प्रहरी नायव उपरीक्षक चिमरियाले बताए । ‘ १७ भदौ दिउँसो साढे ४ बजेसम्म काम गरिरहेको आफन्तले देखेका रहेछन’ उनले भने ‘ अहिले अनुसन्धान जारी छ, विस्तृत जानकारी अनुसन्धानपछि प्राप्त हुन्छ ।’

घटनास्थल जिल्लाको प्रमुख व्यापारिक केन्द्र दिक्तेल बजारबाट करीब ३० कोष टाढा छ । एकान्तमा घर भएका उनीहरुको हत्या लुटपाट गर्ने समूहले गरेको हुनसक्ने अनुमान गरिएको गाउँपालिका प्रमुख शङ्करबहादुर राईले बताए ।

अविवाहित रहेका दाजु इन्द्रबहादुर शारीरिक अपाङ्गसमेत हुन । उनको हेरचाह गर्न बहिनी गोपीमाया केही समय अगाडिदेखि माइतीघरमै बसेकी रहिछन्’, उनले भने ‘ उदयपुरको रामपुर घर भएकी गोपीमाया खानदानी परिवारका हुन । सम्पत्तिको लोभमा हत्या भएको हुनसक्छ ।”स्थानीय हाटबजारमा किराना सामानको व्यापार गर्दै आएका इन्द्रबहादुरको घरमा अहिले पनि किराना पसल रहेको जनाइएको छ । रासस

सम्बन्धित समाचारहरु

१३ वर्षदेखि फरार अभि ...

लागुपदार्थ कारोबारसम्बन्धी मुद्दामा १३ वर्षदेखि फरार एक अभियुक्त पक्राउ परेका छन्। गाँजासम्बन्धी मुद ...

करणीको पोल खोल्ने डर ...

१४ वर्षीय एक बालिकालाई जबरजस्ती करणी गरी भारत बेच्न लैजाँदै गर्दा उद्धार गरिएको छ । आर्थिक प्रल ...

फेसन सो गर्ने भन्दै ...

फेसन सो आयोजक बताउँदै एक व्यवसायीसँग ड्रोनसहित २० लाख रुपैयाँ बराबरको सामग्री ठगेको आरोपमा दुई युवकल ...

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2021 - Aparadh News All rights reserved